COVID-19 ရောဂါ ကာကွယ်၊ ကုသရေးဆိုင်ရာ ဆေးဝါး၊ ဆေးပစ္စည်းများအပါအဝင် ဆေးဝါးကုမ္ပဏီများမှ တင်သွင်းရောင်းချသော ဆေးဝါး၊ ဆေးပစ္စည်းမျိုးစုံတို့အား ကုမ္ပဏီတိုက်ရိုက်ရောင်းချစျေးနှုန်းများဖြင့် အလွယ်တကူရှာဖွေ ဆက်သွယ်ဝယ်ယူနိုင်ရန် Product List များ စုစည်းတင်ပြခြင်

ဆေးနှင့်ဆေးပစ္စည်းတင်သွင်းသည့် ကုမ္ပဏီ (၄၈)ခုမှ ဆေးဝါးနှင့်ဆေးပစ္စည်း အမျိုးပေါင်း (၉၆၃) မျိုးတို့၏ ကုမ္ပဏီရောင်းချစျေးနှုန်းများပါဝင်သော ဒုတိယ အပတ်စဉ် (၂၇၊ ၈၊ ၂၀၂၁)ရက်နေ့ စာရင်း

မြန်မာနိုင်ငံဆေးနှင့်ဆေးပစ္စည်းလုပ်ငန်းရှင်များအသင်းသည် အောက်ဖော်ပြပါ ရည်ရွယ်ချက်ကောင်းများစွာတို့ဖြင့် အသင်းဝင် ဆေးနှင့်ဆေးပစ္စည်းတင်သွင်းသည့်ကုမ္ပဏီများထံမှ မိဘပြည်သူများ တိုက်ရိုက်ချိတ်ဆက် ဝယ်ယူနိုင် စေရန် တင်သွင်းဆေးဝါးများ၏ Price List များအားစုစည်း၍ (၂၁၊ ၈၊ ၂၀၂၁) ရက်နေ့မှ မှစပြီး တစ်ပတ်လျှင် တစ်ကြိမ် အသင်း၏ Website (www.mccpmd.org) နှင့် Facebook Page များတွင် ကြေညာပေးလျှက်ရှိပါသည်။

ယခုဒုတိယ အပတ်စဉ်အနေဖြင့် ဆေးနှင့်ဆေးပစ္စည်းတင်သွင်းသည့် ကုမ္ပဏီ (၄၈)ခုမှ ဆေးဝါးနှင့်ဆေးပစ္စည်း အမျိုးပေါင်း (၉၆၃) မျိုးတို့၏ ကုမ္ပဏီရောင်းချစျေးနှုန်းများအား မိဘပြည်သူများ သိရှိနိုင်ပါရန် ဖော်ပြလိုက်ရ ပါသည်။

ရည်ရွယ်ချက်များ

• COVID-19 ရောဂါကာကွယ်၊ ကုသရေးဆိုင်ရာဆေးဝါး၊ ဆေးပစ္စည်းမျိုးစုံတို့ကို အများပြည်သူများ ဈေးနှုန်းချိုသာစွာဖြင့် တင်သွင်းသူများထံမှ တိုက်ရိုက်ဝယ်ယူရရှိနိုင်အတွက် လည်းကောင်း၊
• အရည်အသွေးစစ်မှန်၍ ယုံကြည်စိတ်ချရသော မှတ်ပုံတင်ရှိ ဆေးဝါး၊ ဆေးပစ္စည်းများကို တင်သွင်းသည့်ကုမ္ပဏီများထံမှ တိုက်ရိုက်ဝယ်ယူ နိုင်စေရန်အတွက်လည်းကောင်း၊
• အများပြည်သူများ ဆေးဝါး၊ ဆေးပစ္စည်းများ လက်လီဝယ်ယူရာတွင် တင်သွင်းသောကုမ္ပဏီများမှရောင်းဈေးနှင့်နှိုင်းယှဉ်လျှင် အလွန်အမင်းဈေးကြီးပေး၍ဝယ်ယူနေရခြင်းကို လျှော့ချတားဆီးနိုင်ရန်အတွက်လည်းကောင်း၊
• တရားမဝင် online များမှ အမြတ်ကြီးစားရောင်းချသည့် မှတ်ပုံတင်မရှိသော၊ အရည်အသွေးအာမခံချက်မရှိသော ဆေးဝါး၊ ဆေးပစ္စည်းများကို တားဆီးရာတွင် အထောက်အကူဖြစ်စေရန်အတွက်လည်းကောင်း ရည်ရွယ်ပါသည်။