တရားဝင်တင်သွင်း၊ ထုတ်လုပ်ထားသော ဆေးနှင်းဆေးပစ္စည်း ဈေးပွဲတော် (ပထမအကြိမ်) ဖွင့်ပွဲ

မြန်မာနိုင်ငံဆေးနှင့်ဆေးပစ္စည်းကုန်သည်များနှင့် လုပ်ငန်းရှင်များအသင်း (MCCPMD) မှ ကြီးမှူးကျင်းပပြုလုပ်သည့် တရားဝင်တင်သွင်း၊ ထုတ်လုပ်ထားသော ဆေးနှင်းဆေးပစ္စည်း ဈေးပွဲတော် (ပထမအကြိမ်) ဖွင့်ပွဲကို ယနေ့ (၂၇-၄-၂၀၁၉) နံနက် ၉ နာရီတွင် တပ်မတော်ခန်းမ၊ ဦးဝိစာရလမ်း၊ ရန်ကုန်တိုင်းဒေသကြီးတွင် ကျင်းပပြုလုပ်ခဲ့ပါသည်။

အခမ်းအနားကို

ရန်ကုန်တိုင်းဒေသကြီး အလုပ်သမားရေးရာနှင့် ရခိုင်တိုင်းရင်းသားရေးရာဝန်ကြီး ဦးဇော်အေးမောင်
ကျန်းမာရေးနှင့်အားကစားဝန်ကြီးဌာန၊ နေပြည်တော်မှ ဒုတ်ယညွှန်ကြားရေးမှူးချုပ် Dr.ဝင်းနိုင်၊
ကျန်းမာရေးနှင့်အားကစားဝန်ကြီးဌာန၊ ရန်ကုန်တိုင်းဒေသကြီး ကျန်းမာရေးဦးစီးဌာနမှူး ဒုတိယညွှန်ကြားရေးမှူးချုပ် Dr.ထွန်းမြင့်၊
မြန်မာနိုင်ငံဆေးကောင်စီဥက္ကဌ ပါမောက္ခ Dr. အက်စ် ကျော်လှ၊
ကျန်းမာရေးနှင့်အားကစားဝန်ကြီးဌာန၊
အစားအသောက်နှင့်ဆေးဝါးကွပ်ကဲရေးဦးစီးဌာန၊ ညွှန်ကြားရေးမှူး Drမင်းဝဏ်၊
မြန်မာနိုင်ငံဆေးနှင့်ဆေးပစ္စည်းကုန်သည်များနှင့် လုပ်ငန်းရှင်များအသင်းဥက္ကဌ ဦးဇော်မိုးခိုင်
တို့မှဖဲကြိုးဖြတ်ဖွင့်လှစ်ခဲ့ပါသည်။

ထို့နောက် မြန်မာနိုင်ငံဆေးနှင့်ဆေးပစ္စည်းကုန်သည်များနှင့် လုပ်ငန်းရှင်များအသင်းဥက္ကဌ ဦးဇော်မိုးခိုင်နှင့် ကျန်းမာရေးနှင့်အားကစားဝန်ကြီးဌာန၊ ရန်ကုန်တိုင်းဒေသကြီး ကျန်းမာရေးဦးစီးဌာနမှူး ဒုတိယညွှန်ကြားရေးမှူးချုပ် Dr.ထွန်းမြင့် တို့မှ အဖွင့်နူတ်ခွန်းဆက်စကားများအသီးသီးပြောကြားခဲ့ကြပြီးပြခန်းများကို လည့်လည်ကြည့်ရှုကြပါသည်။

ဈေးရောင်းပွဲတော်တွင် ကုမ္မဏီပေါင်း (၉၄)ခု မှ ပြခန်းပေါင်း (၁၄၃)ခန်းပြသလျှက်ရှိပြီး ဧပြီ(၂၉) ရက်ထိ စည်ကားသိုက်မြိုက်စွာ အထူးချိုသာသောဈေးနှူန်းများ၊ လက်ဆောင်များဖြင့် ရောင်းချမည်ဖြစ်ကြောင်းသိရပါသဖြင့် မည်သူမဆို အခမဲ့လာရောက်လေ့လာကြည့်ရှုနိုင်ပါသည် ။

ထိုဈေးရောင်းပွဲတော်၌ ဆေးဝါးနှင့် ဆေးပစ္စည်းများ၊ ကျန်းမာရေးဆိုင်ရာဖြည့်စွက်စာများ၊ သွားနှင့်ခံတွင်း ကျန်းမာရေးဆိုင်ရာပစ္စည်းများ၊ ဓာတ်ခွဲခန်းသုံးပစ္စည်းများ၊ အရေပြားနှင့် အလှအပဆိုင်ရာဆေးဝါးများ၊ တိုင်းရင်းဆေးဝါးများအပြင်၊ ကျန်းမာရေးစောင့်ရှောက်မှူလုပ်ငန်းများ၊ ဆေးရုံများမှလည်း ပါဝင်ပြသ လျှက်ရှိပါသည်။

နေ့လည်(၁၂:၃၀) နာရီတွင် အစားအသောက်နှင့်ဆေးဝါးကွပ်ကဲရေးဦးစီးဌာန (FDA)

(ဆေးဝါး) မှ လက်ထောက်ညွှန်ကြားရေးမှူး Dr.ညီညီဝင်းမှ ဆေးဝါးရောင်းချ၊ ဝယ်ယူ၊ သုံးစွဲမှူဆိုင်ရာ သိကောင်းစရာ အကြောင်းကိုလည်းကောင်း၊
(ဆေးပစ္စည်း) မှ လက်ထောက်ညွှန်ကြားရေးမှူး Drကြွယ်ကြွယ်ယုမှ Medical Device Regulation ကိုလည်းကောင်း ဟောပြောမည်ဖြစ်ကြောင်းသတင်းကောင်းပါလိုက်ပါသည်။

FDA မှ ဆရာ၊ ဆရာမများဟောပြောခဲ့သည့်အကြောင်းအရာများကို အောက်ပါ Link များတွင် ဝင်ရောက်ဖတ်ရှုနိုင်ပါသည်။

#MCCPMD

Regulation of Medical Device in Myanmar (Download PDF)

ဆေးဝါးရောင်းချ ဝယ်ယူ သုံးစွဲမှုဆိုင်ရာ သိမှတ်ဖွယ်ရာများ (Download PDF)