စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးဆောင်ကျင်းပပြုလုပ်သော ပို့ကုန်/သွင်းကုန်လုပ်ငန်းရှင်များနှင့် ညှိနှိုင်းအစည်းအဝေးသို့ တက်ရောက်ခြင်း
၂၀၂၃-၂၀၂၄ ဘဏ္ဍာရေးနှစ်၊ ဒုတိယ(၆)လပတ် ပို့ကုန်တိုးမြှင့်ရေး အတွက် ၂၀၂၃ခုနှစ် အောက်တိုဘာလ ၁၆ ရက်နေ့တွင် ကုန်သည်စက်မှုအသင်းချုပ်၊ မင်္ဂလာခန်းမ၌ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးနှင့် သွင်းကုန်လုပ်ငန်းရှင်များနှင့် ညှိနှိုင်းအစည်းအဝေးကို မွန်းလွဲပိုင်းတွင် ကျင်းပပြုလုပ်ခဲ့ရာ မြန်မာနိုင်ငံဆေးနှင့်ဆေးပစ္စည်းလုပ်ငန်းရှင်များအသင်းမှ ဥက္ကဌဒေါက်တာဝင်းကြိုင်၊ အထွေထွေအတွင်းရေးမှူးဦးကျော်ဦးမော်၊တွဲဘက်အထွေထွေအတွင်းရေးမှူး(၁)ဒေါက်တာစောနေနွယ်၊ အလုပ်အမှုဆောင်ဦးကျော်ကျော်မြင့်တို့တက်ရောက်၍ ဆေးဝါးနှင့် ဆေးပစ္စည်း တင်သွင်းမှု အခြေအနေများ၊ ကြုံတွေ့ရသည့်အခက်အခဲများ အားတင်ပြခဲ့ကြပါသည်။
