Himpunan Pengembangan Ekosistem Alat Kesehatan Indonesia(HIPELKI)နှင့် MOU ရေးထိုးခြင်း။
အင်ဒိုနီးရှားသံရုံး၏စီစဉ်မှုဖြင့် အင်ဒိုနီးရှားနိုင်ငံ အခြေစိုက်(Himpunan Pengembangan Ekosistem Alat Kesehatan Indonesia(HIPELKI)နှင့် မြန်မာနိုင်ငံဆေးနှင့်ဆေးပစ္စည်းလုပ်ငန်းရှင်များအသင်းတို့ MOU ရေးထိုးခြင်းအား မတ်လ ၁၉ ရက်၊ နံနက် (၉း ၃၀) တွင် Online Zoom Meeting ဖြင့် ကျင်းပပြုလုပ်ခဲ့ပါသည်။
အဆိုပါအစည်းအဝေးသို့ မြန်မာနိုင်ငံဆေးနှင့်ဆေးပစ္စည်းလုပ်ငန်းရှင်များအသင်းမှ ဥက္ကဌ ဒေါက်တာဝင်းကြိုင်၊ အထွေထွေအတွင်းရေးမှူး ဦးကျော်ဦးမော်၊ တွဲဖက်အထွေထွေအတွင်းရေးမှူး (၂) ဒေါက်တာဖြိုးဝေဇော်၊ ဗဟိုအလုပ်အမှုဆောင် ဦးဇေယျာဖြိုး၊ အလုပ်အမှုဆောင်ဒေါက်တာမောင်မောင်ဇော်တို့နှင့် အင်ဒိုနီးရှားသံရုံးမှ တာဝန်ရှိသူများ၊ အင်ဒိုနီးရှားနိုင်ငံ အခြေစိုက်(Himpunan Pengembangan Ekosistem Alat Kesehatan Indonesia(HIPELKI) မှတာဝန်ရှိသူများတက်ရောက်ခဲ့ကြပြီး အနာဂတ်တွင် အဖွဲ့အစည်း (၂) ခုကြား ဆေးဝါးဆိုင်ရာ နည်းပညာဆိုင်ရာ သတင်းအချက်အလက်များအား အပြန်အလှန် ဖလှယ်ခြင်းဖြင့် (၂) နိုင်ငံကြား ဆေးဝါးကဏ္ဍ ဖွံ့ဖြိုးတိုးတက်နိုင်စေရန် ရည်ရွယ်၍ MOU လက်မှတ်ရေးထိုးခဲ့ကြပါသည်။
